Ministrja e Shëndetësisë dhe Mirëqenies Sociale, Evis Sala, ka dhënë dorëheqjen nga detyra.
Vendimi është bërë i ditur gjatë mbledhjes së qeverisë të zhvilluar këtë të mërkurë. Sipas burimeve, në arsyetimin për largimin nga posti, Sala ka deklaruar se dëshiron të vijojë karrierën e saj akademike.
Arsyet zyrtare të dorëheqjes nuk janë bërë ende publike.
Evis Sala u emërua ministre e Shëndetësisë në shtator 2025, në kabinetin e mandatit të katërt të qeverisë së drejtuar nga kryeministri Edi Rama.
Para marrjes së detyrës, Sala kishte ndërtuar një karrierë në fushën e mjekësisë dhe akademisë jashtë Shqipërisë. Ajo është mjeke radiologe dhe ka punuar në institucione të njohura, mes tyre Universiteti i Kembrixhit, Memorial Sloan Kettering Cancer Center në Nju Jork dhe Policlinico Gemelli në Romë.
Nuk është bërë ende i ditur emri i pasuesit të saj në krye të Ministrisë së Shëndetësisë.Versus.al
