Një valë e re tarifash amerikane prej 50% ndaj rreth 20 miliardë dollarëve mallra kanadeze ka hyrë në fuqi në orët e para të së shtunës, pasi Shtetet e Bashkuara dhe Kanadaja nuk arritën një marrëveshje në negociatat e fundit tregtare.
Masat prekin rreth 5% të eksporteve kanadeze drejt SHBA-së dhe përfshijnë produkte të ndryshme, mes tyre pajisje hokeji, produkte ushqimore dhe mallra të tjera.
Kryeministri kanadez Mark Carney njoftoi pezullimin e negociatave dhe deklaroi se Kanadaja do të përgjigjet me tarifa “dollar për dollar” ndaj produkteve amerikane.
Sipas tij, ndryshimet e bëra nga pala amerikane në minutat e fundit ishin të padrejta dhe ekonomikisht të papranueshme.
Përplasja e re tregtare rrezikon të përkeqësojë marrëdhëniet ekonomike mes dy aleatëve dhe komplikon edhe negociatat më të gjera për të ardhmen e marrëveshjes tregtare SHBA–Meksikë–Kanada (USMCA)./Versus.al
