Fotot e Presidentit francez Emmanuel Macron duke drejtuar një Jet Ski gjatë pushimeve në rivierën franceze kanë shkaktuar reagime dhe kritika të forta nga opozita në Francë.
Imazhet, të publikuara në revistën Paris Match, tregojnë Macron duke shijuar pushimet në det pranë rezidencës presidenciale në Fort de Brégançon, në një kohë kur vendi po përballet me temperatura të larta dhe zjarre të mëdha.
Kritikët e kanë akuzuar presidentin për një qëndrim të shkëputur nga realiteti, ndërsa në rrjetet sociale dhe në media fotot kanë nxitur një debat të gjerë mbi mënyrën se si një president duhet të sillet publikisht gjatë një situate të vështirë.
Nga opozita janë bërë edhe komente ironike për zgjedhjen e Macronit për të kaluar kohën në Jet Ski.
Kritikat janë përqendruar veçanërisht te kontrasti mes pamjeve të pushimeve presidenciale dhe situatës së krijuar nga zjarret dhe vala e të nxehtit në disa zona të Francës.
Rasti ka rikthyer edhe një herë debatin mbi imazhin publik të Macronit dhe mënyrën se si aktivitetet e tij private perceptohen nga opinioni publik francez./Përshtati në shqip Versus.al
