Dinamo nuk arriti ta merrte fitoren në sfidën e parë të ‘’play off’’ për Conference League. Blutë barazuan 1-1 përballë qipriotëve të Pafos. Por goli I barazimit që u shënua nga Pafos solli edhe tensione në vijën anësore.
Sipas pamjeve, gjithçka nisi pas festimit të golit nga trajneri i Pafos, Ricardo Sa Pinto. Reagimi i tij shkaktoi pakënaqësi në kampin e Dinamos, ndërsa trajneri Ilir Daja i kërkoi teknikut portugez të ruante qetësinë dhe të tregonte respekt.
As kartoni i verdhë nuk i mjaftoi Sa Pintos për t'u qetësuar, duke vijuar me ofendime dhe gjeste edhe kundër ndihmëstrajnerit të Dinamos, Glen Daja, i cili është i biri i trajnerit Ilir Daja. Versus.al
Poll
