Rodri i ka kërkuar bashkëlojtarit të tij të ardhshëm te Barcelona, Fermin Lopez, që të heqë dorë nga numri i fanellës me numrin 16.
Në fakt, Fabrizio Romano pretendon se Rodri e ka bërë këtë kërkesë gjatë bisedave me Fermin Lopez në ditët e fundit. Lopez, ndërkohë, pritet të kalojë te fanella me numrin 7, e cila më parë është mbajtur nga emra si Ousmane Dembele dhe Antoine Griezmann.
Sa i përket numrit që do të mbajë Rodri, largimi i Robert Lewandowskit gjatë kësaj vere ka lënë të lirë fanellën me numrin 9, të cilën polaku e mbajti për katër vite. Por, kush do ta marrë atë?
Barcelona thuhet se po e ruan fanellën me numrin 9 për objektivin e saj afatgjatë në afatin kalimtar, Julian Alvarez, i cili vazhdon të lidhet me një transferim të kushtueshëm te klubi katalanas. Versus.al
