Rama publikon videon nga Pogradeci: “Dita II e maratonës përgatitore” me ministrat
Kryeministri Edi Rama ka publikuar një video nga Pogradeci, ku po zhvillohet dita e dytë e mbledhjes me ministrat dhe drejtuesit politikë të Partisë Socialiste.
“Me Diellën dhe Mirelën përpara fillimit të Ditës II të maratonës përgatitore”, shkruan Rama në postimin e tij, të shoqëruar me video.
Në ditën e dytë të takimit, ministrat vijojnë raportimet për punën e bërë gjatë kësaj periudhe, ndërsa në fokus janë edhe prioritetet dhe objektivat për vitin e dytë të mandatit të katërt qeverisës.
Takimi në Pogradec është konceptuar si një proces analize dhe përgatitjeje për vijimin e punës së qeverisë.
Gjatë ditës së parë, Rama u kërkoi drejtuesve politikë të analizojnë pakënaqësitë e qytetarëve në bashkitë e drejtuara nga socialistët, si dhe të rrisin komunikimin e drejtpërdrejtë me qytetarët.
Mbledhja pritet të shërbejë edhe për përcaktimin e prioriteteve të qeverisë për vitin e dytë të mandatit të katërt.
