Një tërmet me magnitudë 3.7 të shkallës Rihter është regjistruar mbrëmjen e sotme (4 shkurt 2026) në orën 19:50, me epiqendër në zonën kufitare midis Shqipërisë dhe Maqedonisë së Veriut.
Sipas të dhënave paraprake sizmologjike, epiqendra ka qenë afër kufirit, me një thellësi të vogël prej rreth 5 kilometrash, çka ka bërë që lëkundjet të ndihen më intensive në zonat përreth.
Lëkundjet janë ndjerë veçanërisht fort në qytetin e Bilishtit (Korçë), që ndodhet vetëm 7 km larg epiqendrës.
Banorët e zonës juglindore kanë raportuar se goditja ka qenë e fuqishme dhe ka zgjatur disa sekonda, duke krijuar panik dhe frikë mes njerëzve.
Tërmeti është ndjerë edhe në qytete të tjera më larg, si Elbasani (rreth 98 km nga epiqendra), por me intensitet dukshëm më të ulët.
Banorët e zonave kufitare këshillohen të qëndrojnë vigjilentë për lëkundje pasuese (aftershocks), të cilat janë të mundshme pas një tërmeti të tillë./Versus.al
