Moti i keq ka shkaktuar probleme në Bashkinë Libohovë, duke izoluar disa fshatra.
Shkak për izolimin janë bërë rrëshqitjet masive të dherave në zonën e Zagorisë, të cilat kanë bllokuar rrugën kryesore lidhëse të fshatrave Topovë, Lliar, Doshnicë dhe Zhej.
Si pasojë e këtyre rrëshqitjeve, janë dëmtuar edhe katër banesa në fshatin Zhej. Banorët shprehen të shqetësuar dhe i kanë bërë thirrje Bashkisë së Libohovës për ndihmë dhe ndërhyrje të menjëhershme për zgjidhjen e situatës.
Megjithatë, deri në këto momente, fshatrat vijojnë të jenë të izoluar dhe pa asnjë ndërhyrje nga strukturat përkatëse.
Poll
