Tre ditë pas ngjarjes së rëndë të ndodhur në Durrës ku një 14 vjeçar e plagosi me thikë në zemër, sot 15 vjeçari ka dalë nga intubimi dhe gjendja e tij është përmirësuar.
Megjithatë mjekët po e mbajnë nën monitorim për të parë ecurinë dhe reagimet e tij.
I plagosuri dhe autori janë nxënës të së njëjtës shkollë të mesme në Durrës dhe sherri mes tyre ka nisur për një koment në rrjetet sociale. Pasi u takuan me grupe për t’u sqaruar, 14 vjeçari ka nxjerrë thikën dhe e ka goditur disa herë pranë zemrës 15 vjeçarin duke e lënë të plagosur.
Kjo ngjarje sjell në vëmendje faktin se pavarësisht tragjedisë së ndodhur vitin e kaluar në shkollën “Fan Noli” në Tiranë ku u vra me thikë një 14 vjeçar, ende nuk janë nxjerrë mësimet e duhura dhe nuk ka masa reale të ndërmarra për sigurinë e nxënësve. Versus.al
