Partia kryesore opozitare e Turqisë, Cumhuriyet Halk Partisi (CHP), është përfshirë në një krizë të thellë politike dhe institucionale pas vendimit të një gjykate në Ankara për të shkarkuar drejtuesit aktualë të partisë. Gjykata shpalli të pavlefshme zgjedhjet e brendshme të CHP-së dhe riktheu përkohësisht në krye ish-liderin Kemal Kılıçdaroğlu.
Vendimi erdhi pas një hetimi për manipulim votash dhe blerje të votave gjatë zgjedhjeve për drejtimin e partisë.
CHP Genel Merkezi'nde Ortalık Karıştı! Polis Arka Kapıdan Binaya Girdi! Göz Gözü Görmüyor! @gamzealltunay pic.twitter.com/hWVWh4fstC
— Halk TV (@halktvcomtr) May 24, 2026
Të shtunën, autoritetet arrestuan 13 persona, mes tyre zyrtarë lokalë dhe delegatë të CHP-së. Kreu i shkarkuar i partisë, Özgür Özel, refuzoi të largohej nga selia e partisë në Ankara, duke e quajtur vendimin “një ditë të errët për demokracinë”. Mbështetësit e tij u përplasën me policinë, ndërsa tentuan të bllokonin hyrjen në selinë e CHP-së.
Tarihi anlar!
— Aykırı (@aykiri) May 24, 2026
Polis, CHP Genel Merkezi’ne biber gazlarıyla müdahale ediyor. pic.twitter.com/ZCPse8z7UQ
Forcat speciale ndërhynë me gaz lotsjellës dhe hynë në ndërtesë për të larguar drejtuesit e opozitës. CHP e konsideron ndërhyrjen e gjykatës si një “grusht shteti gjyqësor” të orkestruar kundër opozitës. Kriza vjen në një moment kur partia opozitare kishte fituar terren pas suksesit në zgjedhjet lokale të vitit 2024.
Ndërkohë, figura kryesore e opozitës turke, Ekrem İmamoğlu, vazhdon të përballet me akuza për korrupsion dhe ndalim politik pas arrestimit të tij vitin e kaluar.
