Fotografi i njohur britanik i dokumentarëve Martin Parr ka vdekur në shtëpinë e tij në qytetin perëndimor anglez Bristol, njoftoi fondacioni i tij të dielën.
Ai ishte ne moshen 73 vjeçare. Ai ishte i famshëm për imazhet e tij të mbushura me ngjyra, Parr kishte një sy të mprehtë për çuditshmëritë e përditshme, të cilat karakterizoheshin në fotografitë e tij humoristike të plazhistëve të lyer me bronz dhe pushuesve që bënin selfie.
“Me trishtim të madh njoftojmë se Martin Parr (1952-2025) vdiq dje në shtëpinë e tij në Bristol”, thuhej në një deklaratë në faqen e internetit të Fondacionit Martin Parr.
“Martin do të na mungojë shumë”, shtoi fondacioni, duke vënë në dukje se ai ka lënë pas gruan e tij Susie, vajzën e tij Ellen, motrën e tij Vivien dhe nipin e tij George.
“Familja kërkon privatësi në këtë kohë“, thuhej në deklaratën e dhene nga familjaret e tij.
Fondacioni dhe Magnum Photos, agjencia prestigjioze në të cilën ai kishte qenë anëtar që nga viti 1994, “do të punojnë së bashku për të ruajtur dhe ndarë trashëgiminë e Martinit”. Martin Parr vizitoi shqipërinë në vitin 1990 dhe realizoi disa prej fotografive më ikonike të vendit tonë në ditët e fundit të regjimit komunist.
