Një 46 vjeçar i identifikuar si U.M arrestua nga policia pasi u kap duke transportuar municion luftarak. Pamjet e publikuara nga forcat blu tregojnë momentin kur 46 vjeçari ndiqet nga dy makina me civilë dhe ndalon përballë 2 mjeteve të efektivëve të cilët u shtirën sikur kishin pësuar defekt.
Nga kontrolli në automjetin që drejtonte, u gjetën 4 kallëpë tritoli, 2 armë zjarri dhe 1500 fishekë të kalibrave të ndryshëm. Armët dhe municioni u sekuestruan me cilësinë e provës materiale, së bashku me automjetin dhe celularin e të arrestuarit.
Dyshohet se municioni luftarak do të shitej në kryeqytet. Policia vijon hetimet për të kapur personat e tjerë të përfshirë në këtë veprimtari kriminale. Versus.al
Poll
