Agjencia Kombëtare e Mbrojtjes Civile paralajmëroi se pasditen e sotme, dhe ditën e nesërme priten reshje intensive në disa qarqe të vendit të shoqëruara me shtrëngata.
AKMC apelon qytetarët të tregohen të kujdesshëm, nga ana tjetër njoftojnë se kanë marr të gjitha masat e nevojshme për të shmangur çdo situatë në terren.
Njoftimi i plotë:
Bazuar në informacionet e IGJEO dhe SHMU, gjatë pasdites së sotme dhe ditës së nesërme priten reshje në disa qarqe të vendit, lokalisht intensive dhe të shoqëruara me shtrëngata.
Kërkohet rritje e vëmendjes dhe gatishmërisë nga strukturat e Mbrojtjes Civile dhe institucionet përgjegjëse në nivel vendor dhe qendror, për marrjen e masave parandaluese.
Bashkitë në zonat me risk më të lartë të forcojnë gatishmërinë operacionale dhe të ndjekin në mënyrë të vazhdueshme situatën në terren.
Prefekturat të përcjellin informacionin pranë bashkive dhe të raportojnë në kohë çdo situatë pranë Qendrës Kombëtare Operacionale të Emergjencave Civile./Versus.al
