Një i dënuar ka ndërruar jetë mëngjesin e sotëm në Qendra Spitalore Universitare “Nënë Tereza”, si pasojë e një arresti kardio-respirator.
Sipas njoftimit të Drejtoria e Përgjithshme e Burgjeve, bëhet fjalë për shtetasin Hajri Ramazan Robi, i dënuar për veprën penale “dhunë në familje”.
Ai ishte arrestuar më 12 mars 2026 dhe më pas ishte transferuar në IEVP Lezhë në zbatim të vendimit të Gjykata e Shkallës së Parë e Juridiksionit të Përgjithshëm Durrës. Më 30 mars, për shkak të problemeve shëndetësore, ai u shtrua në Qendrën Spitalore të Burgjeve.
Gjendja e tij u përkeqësua më 2 prill, kur u dërgua me urgjencë në Reanimacionin Qendror në QSUT, ku ishte diagnostikuar me hipertension arterial, diabet mellitus dhe frakturë të rëndë.
Pavarësisht ndërhyrjeve mjekësore, ai ka ndërruar jetë rreth orës 05:00 të mëngjesit të sotëm.
Autoritetet bëjnë me dije se janë ndjekur të gjitha procedurat ligjore për këtë rast, ndërsa janë njoftuar organet përkatëse dhe familjarët e të ndjerit.
Njoftimi:
I dënuari Hajri Ramazan Robi ka ndërruar jetë rreth orës 05:00 në Qendrën Spitalore Universitare “Nënë Tereza”, në Reanimacionin Qendror, si pasojë e arrestit kardio-respirator.
I dënuari me mjekim të detyruar, Hajri Ramazan Robi, i datëlindjes 07.01.1958, lindur dhe banues në Durrës, ishte arrestuar më datë 12.03.2026 për veprën penale “Dhunë në familje”. Ai ka hyrë në IEVP Lezhë më datë 14.03.2026, në zbatim të Vendimit Nr. 156, datë 13.03.2026, të Gjykatës së Shkallës së Parë të Juridiksionit të Përgjithshëm Durrës.
Më datë 30.03.2026, i dënuari është transferuar nga IEVP Lezhë dhe është shtruar në Qendrën Spitalore të Burgjeve. Në datë 02.04.2026 është shtruar me urgjencë në Reanimacionin Qendror, i diagnostikuar me hipertension arterial, diabet mellitus dhe frakturë subtrokanterike të majtë.
Janë zbatuar të gjitha procedurat e përcaktuara ligjore për këtë rast, duke u njoftuar Shërbimi i Kontrollit të Brendshëm të Burgjeve, Prokuroria, Komisariati i Policisë, si dhe familjarët./Versus.al
