Policia e Tiranës ka kryer shoqërimin në polici të 26-vjeçarit që dhunoi komisionerin në KZAZ Nr.30 në Yshrek.
Ai është shtetasi Rei Nozlli, vëzhgues i kandidatit socialist Orlando Rakipi, i cili gjithashtu ndodhej në vendngjarje gjatë konfliktit fizik.
Në lidhje me pretendimin se në konflikt janë përfshirë dhe punonjës policie, uniformat blu sqarojnë se ky pretendim është i pavërtetë.
View this post on Instagram
Njoftimi i Policisë:
Rreth orës 14:30, është kërkuar ndërhyrja e Policisë në KZAZ Nr. 30, në Yrshek, pasi gjatë procesit të numërimit, përfaques të subjekteve të ndryshme politike janë konfliktuar me njeri-tjetrin.
Shërbimet e Policisë kanë shoqëruar shtetasin R. N., 26 vjeç, i dyshuar i përfshirë në konflikt, për veprime të metejshme proceduriale.
Në lidhje me pretendimin se në konflikt janë përfshirë dhe punonjës policie, sqarojmë se ky pretendim është i pavërtetë.
Vijon puna për shoqërimin e personave të tjerë të përfshirë në konflikt dhe dokumentimin e plotë e rrethanave të konfliktit./Versus.al
