Korçë- Banorët e fshatit Qinam në Kolonjë kanë protestuar ditën e sotme kundër vendosjes së paneleve diellore në kullotat që prej dekadash shërbejnë si burim jetese për dhjetëra familje blegtorësh. Ata thanë për mediat se humbja e kullotave do të thotë humbje e plotë e aktivitetit të tyre ekonomik dhe largim i detyruar nga fshati.
Sipas tyre, bashkia i ka injoruar shqetësimet e tyre dhe për këtë arsye ndihen të braktisur dhe të pa përfaqësuar.
Sipas tyre, kullotat dhe arat që po synohen për t’u zëvendësuar me panele diellore janë të ndara mes familjeve të fshatit prej brezash.
Ata theksojnë se aty është ushqimi bazë për rreth 3000-4000 krerë bagëti, mes tyre 600 lopë, dhe se humbja e tyre do të bllokojë të gjithë ciklin bujqësor e blegtoral të zonës. Një tjetër fermer shprehet se vendosja e paneleve rrezikon të zhdukë përfundimisht 10 familjet e fundit që jetojnë vetëm nga blegtoria. Versus.al
