Një incident është raportuar në ambientet e Spitali i Lushnjës, ku mjeku Doris Sholla dyshohet se është dhunuar nga punonjësi i spitalit Altin Alla, pas një konflikti që lidhej me dyshimet e këtij të fundit se mjeku i thërriste bashkëshorten e tij infermiere në orare të ndryshme pune.
Sipas burimeve, fillimisht mes tyre ka pasur debat verbal, i cili më pas ka degraduar në përleshje fizike. Rasti përfundoi në duart e Komisariati i Policisë Lushnjë, ku 54-vjeçari u arrestua nën dyshimin se u konfliktua për motive të dobëta me mjekun 31-vjeçar. Dosja i është referuar Prokuroria e Lushnjës për veprime të mëtejshme procedurale.
Ndërkohë, situata në këtë spital është denoncuar edhe nga deputeti Saimir Korreshi, i cili ka ngritur shqetësime për gjendjen e institucionit dhe ka kërkuar ndryshimin e statusit të tij nga bashkiak në rajonal, me argumentin se kjo do të sillte më shumë financime dhe përmirësim të shërbimeve shëndetësore.
“Sot situata është dramatike. Pamjet flasin vetë – le të vijnë dhe ta shohin vetë. Së pari, duhet ndryshuar statusi i spitalit nga bashkiak në rajonal, që të ketë më shumë investime dhe buxhet. Diferenca është rreth 150 milionë lekë.
Analizat i kanë dhënë privatit, duke e degraduar qytetin. Nuk ka as medikamente; ky ka qenë një spital i jashtëzakonshëm – kanë ardhur pacientë nga të gjitha zonat, rreth 250 mijë njerëz", ka denoncuar sot deputeti Saimir Korreshi./Versus.al
