Emigrantët shqiptar kanë nisur të rikthehen nga Greqia drejt vendlindjes për të festuar krishtlindjet dhe vitin e ri pranë familjarëve të tyre. Këto dy ditë, në pikën e kalimit kufitar të Kakavijës është shënuar një rritje e shqiptarëve që kthehen në Shqipëri.
Si pasoj e fluksit të lartë, në doganën greke janë krijuar radhë të gjata automjetesh në sportelet e kontrollit të dokumenteve. Numri i lëvizjeve është rritur edhe në dalje nga territori shqiptar.
Autoritetet shqiptare njoftojnë se kanë marr të gjitha masat e nevojshme për menaxhimin e situatës dhe shmangien e pritjeve të gjata.
“Policia Kufitare në Kakavijë ka shtuar kapacitetet e përpunimit, ndërsa është rritur prania e efektivëve për garantimin e rendit dhe sigurisë, si dhe për parandalimin e veprimtarive kriminale përgjatë vijës kufitare me Greqinë.
Paralelisht, Policia Rrugore ka intensifikuar kontrollet në aksin kombëtar Gjirokastër–Kakavijë, me qëllim parandalimin e aksidenteve dhe garantimin e një qarkullimi sa më të sigurt gjatë këtyre ditëve me fluks të shtuar”, sqarojnë autoritetet shqiptare./Versus.al
