Skandalet dhe vjedhjet e kompanisë celulare “One Albania” po çojnë qytetarët drejt aktit ekstrem
Një 49-vjeçar është shoqëruar nga policia pas një incidenti në lagjen nr. 2 në Kukës, ku dyshohet se ka dashur të djegë me benzinë një dyqan të kompanisë celulare “One”.
Më pas, ai ka kërcënuar punonjësit dhe klientët duke u kërkuar të dalin jashtë, për të shmangur ndonjë aksident.
Shërbimet e Policisë kanë arritur shpejt në vendngjarje dhe e kanë neutralizuar situatën pa pasoja.
Sipas raportimeve jozyrtare, qytetari ishte klient i “One” dhe ka ndërmarrë veprimet për shkak të një mbifaturimi të numrit të tij celular dhe sorollatjeve nga punonjësit.
Kompanitë celulare One dhe Vodafone vijojnë të mbeten problematikë sa i takon denoncimeve të vazhdueshme ndaj tyre për abuzim me paketat e shërbimit.
Në shkurt të këtij viti Autoriteti i Konkurrencës nis hetim për “One” dhe "Vodafone’’ dhe deri më tani nuk ka një përgjigjie të prerë lidhur me masat e ndërmarra ndaj dy kompanive celulare.Versus.al
