Personi që shihni në foto është David Prendi, 28 vjeçari i arrestuar ditën e djeshme me urdhër të SPAK nën dyshimin se ishte pjesë e grupit kriminal të mashtrimit me call center.
Ndaj tij rëndojnë akuzat për veprat penale “Mashtrimi kompjuterik”, kryer në bashkëpunim në kuadër të një grupi të strukturuar kriminal, si dhe “Grup i strukturuar kriminal” dhe “Kryerja e veprave penale nga grupi i strukturuar kriminal”.
Bëhet fjalë për aksionin Byrosë Kombëtare të Hetimit në ambientet e kullës luksoze ‘’Atti Tower’’ ku u zbulua aktiviteti i paligjshëm i mashtrimeve online. Në janar të këtij viti në kullën luksoze të kryeqytetit SPAK kreu një aksion në bashkëpunim me autoritetet italiane.
Dyshohet se Prendi është një ndër njerëzit e afërt të tre vëllezërve nga Tropoja, Agim, Alfred dhe Arjan Prekaj të cilët janë shpallur në kërkim si krerët e një prej rrjeteve më të fuqishme të call centerave në Tiranë. Versus.al
