Sot mbushen plot 2 vite nga vrasja tragjike e Liridona Ademajt, në sytë e dy djemve të mitur, krim i cili u shoqërua me shumë polemika pasi fillimisht u hetua si grabitje e më pas detajet zbuluan se ishte vetë bashkëshorti i saj Naim Murseli ai i cili kishte organizuar vrasjen. Mbrëmjen e 23 tetorit 2023, Liridona Ademaj u qëllua për vdekje ndërsa ndodhej në makinë me bashkëshortin dhe 2 djemtë e saj.
Vëllai i Liridonës, Leonard Ademaj, i cili ka kërkuar vazhdimisht drejtësi për të motrën, ka bërë një postim prekës për motrën e tij të ndjerë duke thënë se malli për të shtohet çdo ditë dhe se nuk do të reshtin së kërkuari drejtësi.
“Sot bëhen 2 vite që nga ikja jote Motër.Malli për ty shtohet qdo ditë, mungesa jote vërehet në qdo kohë. Këto 2 vite nuk ishin të lehta për ne si familje, nuk mundemi asesi të pajtohemi me faktin qe ti nuk je më ne mesin tonë. Na ka marë malli shumë për prezencën tënde asgjë më nuk është e njejtë.
Vitet po ecin shpejtë e ne akoma po ballafaqohemi me kriminelët të cilet padrejtësisht të moren nga ne. Do të luftojmë deri në frymen e fundit duke kerkuar drejtësi për ty Motër. Kriminelët duhet të marrin denimin e merituar. Të kujtojmë me mall e shumë dashuri Familja Ademaj dhe djemt Diar&Dion”, shkruan ai. Versus.al
