Shtatë nga tetë fëmijët e vrarë në Shreveport të Luizianës , të dielën në mëngjes në tre shtëpi ishin fëmijët e autorit të krimit, thanë autoritetet lokale, në një nga incidentet më vdekjeprurëse të dhunës në familje në Shtetet e Bashkuara në vitet e fundit.
Autori i krimit është identifikuar si Samar Elkins , 31 vjeç, dhe një veteran i Ushtrisë Amerikane .
Fëmijët që vdiqën ishin të moshës nga 1 deri në 12 vjeç , tha policia lokale, duke korrigjuar raportet e mëparshme se ata ishin midis 1 dhe 14 vjeç.
Motivi mbetet i paqartë , por besohet të jetë i lidhur me familjen.
Elkins u qëllua dhe u vra nga policia pasi vodhi një makinë dhe udhëhoqi një ndjekje.
Dy gra, njëra prej të cilave ishte nëna e fëmijëve, u qëlluan në kokë gjatë sulmit. Nëna e fëmijëve pësoi "lëndime shumë serioze" ndërsa gruaja tjetër është në rrezik për jetën", raportoi CNN.
Një adoleshent tjetër u plagos, por jeta e tij nuk është në rrezik.
Të shtunën, disa orë para se të vriste fëmijët e tij, ai kishte postuar një foto me njërën nga vajzat e tij, ndërsa kishte një foto tjetër me to dy javë më parë pas kishës për festën e Pashkëve Katolike.
Në postime të tjera, raportoi New York Post, ai foli për depresionin dhe i kërkoi Zotit të "ruante mendjen dhe ndjenjat e mia"./Versus.al
