Drejtoresha e Burimeve Njerëzore, jeta private e së cilës ishte në qendër të vëmendjes pasi mori pjesë në një koncert të Coldplay në Boston më 16 korrik, e quajti marrëdhënien e saj flirtuese me ish-punëdhënësin e saj të martuar dhe ish-drejtorin ekzekutiv të Astronomer një gabim të çastit .
Kristin Cabot dhe Andy Byron u panë të përqafuar gjatë koncertit. Megjithatë, ata u kapën nga kamera e puthjeve e Coldplay , duke rezultuar në reagime të sikletshme nga ana e tyre. Përpjekja e tyre për t'u larguar ndoshta e përkeqësoi situatën, me Chris Martin që i komentoi audiencës: "Ata ose janë në një lidhje jashtëmartesore ose janë shumë të turpshëm."
Christine Cabot, 53 vjeç, ka heshtur për muaj të tërë. Ndërsa tani, ajo ka vendosur të flasë publikisht dhe të tregojë anën e saj të historisë.
"Mora një vendim të keq dhe piva disa gota "High Noons", (vodka) kërceva dhe u solla në mënyrë të papërshtatshme me shefin tim", tha ajo për Neë York Times.
"Dhe nuk është gjë e vogël. Mora përgjegjësinë dhe sakrifikova karrierën time për të. Ky ishte çmimi që zgjodha të paguaja", shtoi ajo.
Ajo ka marrë mbi 60 kërcënime për jetën e saj.
Pas asaj nate, Cabot thotë se ka marrë më shumë se 60 kërcënime me vdekje që atëherë.
Cabot pranon se kishte një simpati për Byron dhe ishte e emocionuar ta prezantonte atë me miqtë e saj, por shton se ata nuk ishin puthur kurrë më parë.
'Të dy pinë kokteje tekile, kërcyen dhe u puthën,' tha ajo, për herë të parë dhe të vetme, diçka për të cilën e konsideron të pamatur dhe për të cilën pendohet.
"Dua që fëmijët e mi ta dinë se mund të bësh gabime dhe të gabosh keq. Por nuk ke pse të pranosh kërcënime me vdekje për ta", thotë Cabot.
Ish-bashkëshorti i Cabot ishte në koncert, por ai shoqërohej nga një grua tjetër. Të dy ishin martuar prej dy vitesh, por kur plasi skandali, ata ishin ndarë tashmë./Versus.al
