Udhëheqësit kryesorë evropianë kanë refuzuar thirrjet e presidentit amerikan Donald Trump për të marrë pjesë ushtarakisht në rihapjen e Ngushticës së Hormuzit.
Qeveritë e Britanisë së Madhe, Gjermanisë dhe Italisë theksuan se nuk do të dërgojnë anije luftarake në rajon, duke kërkuar qartësi mbi qëllimet e koalicionit SHBA-Izrael dhe duke shmangur përfshirjen në një konflikt më të gjerë.
Mbretëria e Bashkuar po shqyrton përdorimin e dronëve për gjueti minash, ndërsa Gjermania ka përcaktuar se ky nuk është një konflikt i NATO-s dhe ka kërkuar sqarime nga SHBA dhe Izraeli për qëllimet ushtarake.
Italia mbetet e rezervuar për zgjerimin e misioneve ekzistuese detare në Ngushticë, duke theksuar se operacionet aktuale janë mbrojtëse dhe të fokusuar kundër piraterisë.
Këto zhvillime ndodhin ndërsa tensionet rreth lirisë së transportit detar dhe sigurisë së furnizimit me naftë rriten, dhe presidenti Trump paralajmëroi NATO-n për një “të ardhme shumë të keqe” nëse nuk bashkëpunon.
Evropianët kërkojnë më shumë garanci dhe diskutimet për një arkitekturë të re sigurie për rajonin pritet të thellohen në takime diplomatike./Versus.al
