Një kabllo që lidhte dy vagona u këput pak para aksidentit të teleferikut që vrau 16 persona në Lisbonë. Ngjarja e paimagjinueshme që çoi në tragjedinë me 16 vdekje ndodhi vetëm disa orë pas një inspektimi vizual të teleferikut, sipas hetuesve të aksidenteve.
Ky informacion është përfshirë në një shënim në lidhje me rrëzimin e së mërkurës të publikuar nga agjencia portugeze e hetimit ajror dhe hekurudhor, raporton Guardian.
Çfarë thotë raporti për aksidentin e teleferikut në Lisbonë?
“Sipas të dhënave të vëzhguara deri më tani, plani i planifikuar i mirëmbajtjes ishte i azhurnuar dhe një inspektim vizual i planifikuar u krye mëngjesin e aksidentit, i cili nuk identifikoi ndonjë anomali në kabllo ose në sistemet e frenimit të automjeteve”, - tha agjencia në një deklaratë të shtunën.
Megjithatë, nuk ishte e mundur të inspektohej vizualisht gjendja e pjesës së kabllos ku ishte shkëputur nga karroca para përplasjes, shtoi ajo.
Sipas gjetjeve fillestare nga hetuesit, teleferiku u rrëzua me një shpejtësi prej 60 kilometrash në orë. Gjithçka ndodhi brenda 50 sekondash, shtuan ata./ Versus /
