Pas kryedemokratit Sali Berisha, edhe kreu i grupit parlamentar të PD, Gazment Bardhi ka reaguar për lajmin e mbylljes së rrjetit social TikTok për 1 vit rresht. Në një reagim në facebook, Bardhi shkruan se qeverisja e Ramës është modeli më i keq tek të miturit.
-
Mbyllja e TikTok, Berisha: Akt censure nga Rama në prag të zgjedhjeve
22 Dhjetor, 15:24
Sipas tij, gjëja më e shëndetshme është dhënia fund e qeverisjes së Ramës dhe jo mbyllja e rrjeteve sociale, të cilat sipas tij po përdoren si alibi nga Rama për mungesën e sigurisë në shkolla.
Reagimi i plotë i Bardhit:
Modeli dhe ndikimi më i keq tek fëmijët është qeverisja e Edi Ramës!
Ajo i jep modelin fëmijëve se:
nëse vjedh bëhesh ministër;
nëse vret apo trafikon drogë bëhesh deputet;
nëse dhunon dhe bashkëpunon me bandat bëhesh drejtor policie;
nëse je arrogant bëhesh kryetar bashkie;
nëse je militant partie bëhesh drejtor shkolle; apo
nëse je bandit emëron drejtorë dhe fiton tendera.
A nuk është më e shëndetshme për fëmijët dhe garanci më e madhe për mirërritjen e tyre që të mbyllim qeverinë e Edi Ramës?! Sigurisht që PO!
Boll është boll, 12 vjet keqqeverisje dhe gjithmonë një alibi e gatshme që faji është diku tjetër. E vërteta është që faji është tek papërgjegjshmëria e Qeverisë së Edi Ramës, tek mungesa e politikave të duhura në arsim, tek shndërrimi i shumicës së mësuesve në trupë elektorale! Versus.al
