Detaje tronditëse kanë dalë nga hetimet për ngjarjen e rëndë që ka tronditur Pogradecin, ku 52-vjeçarja Kozeta Teço u gjet pa jetë në banesën e saj të përfshirë nga flakët.
Sipas hetimeve paraprake, viktima nuk ka humbur jetën si pasojë e zjarrit, por dyshohet se është vrarë brutalisht para se banesa të digjej qëllimisht.
Autori i dyshuar, Ilirjan Selmani, i cili mësohet se kishte një marrëdhënie intime me viktimën, akuzohet se fillimisht e ka mbytur dhe goditur me mjet prerës.
Më pas, ka tentuar të fshijë gjurmët e krimit duke përdorur peshqirë dhe letër, të cilat janë gjetur me gjak në koshin e plehrave pranë pallatit.
Selmani dyshohet se ka ndezur disa vatra zjarri brenda banesës për të inskenuar një aksident dhe për të zhdukur provat që do ta implikonin.
Pamjet e sigurisë nga bizneset përreth ndihmuan policinë në identifikimin dhe shoqërimin e tij.
Edhe pse ai ka mohuar përfshirjen, policia po vijon hetimet për të zbardhur plotësisht motivet dhe rrethanat e kësaj vrasjeje të rëndë./Versus.al
View this post on Instagram
