Kryeministri Edi Rama ka reaguar sërish ndaj fenomenit të mosfaturimit të produkteve ushqimore si qumështi, mishi dhe bulmeti i freskët, duke paralajmëruar se kjo praktikë nuk kërcënon vetëm rendin ligjor, por edhe shëndetin e konsumatorëve.
Në një postim të fundit, Rama thekson se mosfaturimi i këtyre mallrave është një shkelje e rëndë që po trajtohet me angazhim maksimal nga autoritetet.
Kontrolli dhe sekuestrimi i produkteve pa faturë po vijon intensivisht, për të garantuar sigurinë ushqimore dhe mbrojtjen e qytetarëve.
Kjo nismë sipas kryeministrit synon të luftojë informalitetin në treg dhe të sigurojë që konsumatorët të marrin produkte të sigurta dhe të certifikuara, duke i dhënë fund një praktike që po rrezikon jo vetëm ekonominë, por edhe shëndetin publik.
