23 vjeçari Valentin Volaj është gjetur i pajetë në Gjermani. Që prej datës 9 nëntor familjarët e kishin shpallur në kërkim, ditën e sotme konfirmuan se ai ka ndërruar jetë, por rrethanat ende vijojnë të mbeten të paqarta.
Sipas dëshmitarëve Volaj ishte larguar nga banesa ku jetonte në Bremen rreth orës 4 të mëngjesit dhe nuk ishte kthyer më. Familjarët raportuan se ai në banesë kishte lënë të gjitha sendet personale së bashku me një letër lamtumire.
Dyshohet se i riu po kalonte një periudhë të vështirë emocionale dhe përballej me stres dhe gjendje të rënduar psikologjike.
Familjarët kërkuan ndihmën e policisë për të bërë të mundur gjetjen e tij në zonën e Sodenmattsee ku dhe u zbulua trupi i pajetë i të riut./Versus.al
Poll
