Një ushtar amerikan i stacionuar në Aviano u sulmua dhe u qëllua me thikë për shkak të një gruaje.
Rrahja e dhunshme ndodhi në Conegliano më 28 dhjetor 2025.
Ai u godit me thikë ndërsa ishte nën shoqërinë e një grua me origjinë shqiptare.
Ushtari 28-vjeçar, i stacionuar në bazën e Avianos, mbeti i plagosur, por fatmirësisht dëmtimi nuk ishte fatal.
Hetimi i Karabinierëve çoi në raportimin e shtatë shtetasve shqiptarë, të moshave nga 19 deri në 41 vjeç.
Dyshohet se ata rrethuan, rrahën dhe sulmuan me thikë ushtarin dhe shoqen e tij 37-vjeçare shqiptare në Piazza Calvi në Conegliano më 28 dhjetor.
Një hetim i detajuar i Karabinierëve në Conegliano çoi në identifikimin e sulmuesve brenda më pak se një muaji, pjesërisht falë përdorimit të kamerave të mbikëqyrjes.
Prokuroria Publike e Trevizos lëshoi urdhër-arreste për kontroll personal dhe të banesës.
Ata u identifikuan falë rrobave të gjetura në shtëpitë e individëve, të cilat u filmuan nga kamerat gjatë rrahjes. Të gjithë individët u akuzuan më pas për sulm të rëndë.
Gjatë hetimeve, tek njëri prej të dyshuarve, një burrë rreth 41 vjeç, u gjetën gjithashtu rreth 50 gram marijuanë dhe një pistoletë e zbrazët.
Ai u akuzua për posedim të narkotikëve me qëllim trafikimi dhe posedim të paautorizuar të armëve ose objekteve që mund të shkaktojnë dëme. Materialet e gjetura u sekuestruan sipas dispozitave të autoriteteve gjyqësore./Versus.al
