Korçë- Reshjet e dendura të shiut gjatë mbrëmjes kanë shkaktuar probleme në disa zona të qarkut. Mësohet se bodruma dhe arkiva e prokurorisë së Korçës u përmbytën, por situata u stabilizua pas ndërhyrjes së ekipeve përkatëse.
Mungesë e energjisë elektrike raportohet në Maliq për shkak të një defekti elektrik. Ndërsa në Sovjan u evakuuan banorët dhe bagëtitë. Në Leshnjë raportohen bagëti të mbytura dhe prezencë uji në oborre banesash si pasojë e daljes nga shtrati të lumit Dunavec.
Në Pustec ka rrezik daljeje të përroit në rrugën Doganë–Goricë e Vogël dhe prezencë inertesh në aksin Zvezdë–Goricë. Në Devoll, situata paraqitet e rënduar në Progër, Mancurisht dhe Dobranj, ku është e nevojshme ndërhyrje urgjente për përroit që ka përmbytur tokat.
Strukturat e emergjencave po vijojnë punën në terren për normalizimin e situatës dhe garantimin e sigurisë së qytetarëve. Versus.al
