Tiranë- Euxhenjo Manushi, 20 vjeçari i arrestuar nga policia për sekuestrimin e kokainës me vlerë 270 mijë euro, rezulton të jetë djali i klarinetistit të famshëm Adriano Manushi apo i njohur ndryshe si “Ad Sybardhi”.
I riu u arrestua së bashku me shokun e tij 24 vjeçar Klajdi Serjani, pasi gjatë kontrollit në mjetin luksoz me të cilin qarkullonin u gjet dhe sekuestrua 1 kg kokainë e mbështjellë me një foto nga videoloja “GTA”.
Vetë klarinetisti Adi Sybardhi e ka publikuar foton e të birit në rrjetin social duke e uruar për ditëlindjen pavarësisht se tashmë 20 vjeçari është arrestuar nga policia.
"Allahu te begatoft shpirti babit"- shkruan Adriano Manushi në facebook.
Përgjimet për kapjen e të rinjve zgjatën rreth 6 muaj në kuadër të një operacioni antidrogë të koduar “Fam Fanz”. Personi tjetër i përfshirë, Klajdi Serjani njihet si nipi i Pajtim Serjanit, të dënuarit më parë për gjobvënie në Tiranë. Versus.al
