Një shtetas shqiptar 55-vjeç u arrestua nga karabinierët italianë në qytetin Faenza, pasi u kap në flagrancë duke shitur dozë kokaine në qendër të qytetit.
Sipas autoriteteve, shqiptari, i njohur për policinë për precedentë të mëparshëm penalë, kryesisht për trafik droge, u vu re duke lëvizur në mënyrë të dyshimtë në rrugicat e qendrës historike. Ai u ndalua nga forcat e rendit në momentin që po i dorëzonte lëndën narkotike një blerësi.
Gjatë kontrollit, iu sekuestruan disa doza kokaine si provë materiale. Si shitësi, ashtu edhe blerësi, e pranuan përfshirjen e tyre në veprimtarinë e paligjshme gjatë marrjes në pyetje.
Pas paraqitjes në gjykatë, ndaj 55-vjeçarit u caktua masa e arrestit shtëpiak. /Versus.al/
Poll
