Policia greke ka arrestuar tetë persona, përfshirë katër efektivë dhe katër shqiptarë, të dyshuar për pjesëmarrje në një organizatë kriminale që trafikonte drogë në ishullin Mykonos. Hetimet zbuluan se grupi, i përbërë nga efektivë policie dhe qytetarë civilë, përfshinte ri-shitjen e lëndëve narkotike të sekuestruara dhe informimin e mafias për kontrollet policore.
Kreu i grupit është një oficer policie 42-vjeçar, i cili ishte pezulluar që nga janari 2025 për mashtrim ndaj ish-partneres së tij. Ai ishte i ndihmuar nga një oficer 31-vjeçar dhe dy shefa policie të tjerë, të përfshirë në organizatë. Bashkëpunëtorë të tyre janë edhe disa shqiptarë, përfshirë një çift vëllezër e motra dhe partnerja e kreut të bandës.
Hetimet zbuluan se ky rrjet përdorte komunikime të koduara për të koordinuar aktivitetet kriminale, duke arritur të përpunonte miliona euro nga trafiku i drogës. Në llogaritë e të arrestuarve u zbuluan rreth 5 milionë euro.
Gjithashtu, dyshohet se organizata kishte lidhje të forta me grupet mafioze greke, duke u informuar për kontrollet e ardhshme policore dhe duke ndihmuar në evazionin e ligjit./Versus.al
