Arresti kardiak mund të mos jetë aq i papritur, sipas një studimi të botuar së fundmi në The Lancet Digital Health, i cili pretendon se një në dy persona që kanë pësuar arrest kardiak të papritur kanë pasur të paktën një simptomë paralajmëruese 24 orë para ngjarjes, e cila ndryshon midis të dy gjinive.
Dr. Sumeet Chugh, kryetare për kërkimin e elektrofiziologjisë kardiake dhe drejtore mjekësor i Qendrës së Ritmit të Zemrës në Departamentin e Kardiologjisë në Institutin e Zemrës Smidt (Spitali Cedars-Sinai, Los Angeles), thekson se zbulimi i hershëm i shenjave paralajmëruese mund të shpëtojë jetë, pasi shumica dërrmuese e njerëzve që kanë një arrest kardiak jashtë spitalit vdesin brenda pak minutash.
Çdo vit, 450,000 amerikanë vdesin nga arresti kardiak, sipas Institutit Kombëtar të Zemrës, Mushkërive dhe Gjakut të SHBA. Në Evropë, një incident ndodh çdo 45 sekonda. Edhe në Shqipëri rezulton se ka çdo vit mbi 13 mijë vdekeje për shkak të sëmundjeve të qarkullimit të gjakut, ose mesatarisht 36 humbje jete në ditë.
Simptomat tek meshkujt dhe femrat
Duke përdorur të dhëna nga dy studime në qytetet amerikane të Ventura (Kaliforni) dhe Portland (Oregon) mbi incidentet e arrestit kardiak dhe njerëzit që kërkuan kujdes mjekësor urgjent, por nuk e pësuan këtë ngjarje, studiuesit krahasuan simptomat dhe zbuluan se 50% e njerëzve që pësuan një arrest tw papritur kardiak përjetuan të paktën një simptomë karakteristike një ditë më parë, dhimbje gjoksi për burrat dhe gulçim për femrat.
Hulumtimi gjithashtu tregoi simptoma specifike në grupe më të vogla burrash dhe grash, si rritja e rrahjeve të zemrës, simptoma të ngjashme me konvulsionet dhe simptoma të ngjashme me gripin.
Dr Chugh theksoi se dy simptomat kryesore nuk nënkuptojnë domosdoshmërisht një ndalesë të menjëhershme, por duhet kujdes kur hipertensioni, diabeti ose sëmundjet e zemrës bashkëjetojnë, duke shtuar se aplikacionet inteligjente ose pajisjet e veshura në të ardhmen do të jenë në gjendje të identifikojnë më mirë njerëzit në rrezik në rritje arresti i papritur kardiak.
Në çdo rast, studiuesit thonë se dhimbja e gjoksit e paprecedentë dhe e shoqëruar me gulçim, ndjenjën e rritjes së pulsit, marramendje, tendenca për të fikët, djersitje apo vjellje, është një tregues për kujdes të menjëhershëm mjekësor.
