Një nga mbulesat e municioneve të Robinson ishte e zbukuruar me fjalët "Bella ciao", tha Guvernatori i Utah-ut Spencer Cox, një referencë e dukshme për një këngë italiane të adoptuar nga rezistenca antifashiste gjatë Luftës së Dytë Botërore.
Një anëtar i familjes u tha hetuesve se Tyler Robinson kishte folur negativisht për viktimën para të shtënave, sipas guvernatorit të Utah-ut.
"Hetuesit intervistuan një anëtar të familjes së Robinson, i cili deklaroi se Robinson ishte bërë më politik në vitet e fundit", tha Guvernatori Spencer Cox.
22-vjeçari përmendi konkretisht Kirk-un gjatë një darke familjare, tha Cox.
"Në bisedë me një anëtar tjetër të familjes, Robinson përmendi se Charlie Kirk do të vinte në Universitetin e Utah-ut. Ata folën përse nuk e pëlqenin atë dhe për pikëpamjet që ai mbante", tha guvernatori.
Robinson tha në darkë se "Kirk ishte plot urrejtje dhe përhapte urrejtje", sipas përshkrimit të të afërmit të dhënë nga Cox.
Ndërsa shoku i dhomës së Tyler Robinson u tregoi hetuesve mesazhe në Discord, një aplikacion bisede në grup, në të cilat ai foli për marrjen e një pushke, sipas guvernatorit të Utah-ut.
Shoku i dhomës hapi Discord-in dhe "u lejoi hetuesve të bënin pamje të ekranit ndërsa ai shfaqte çdo mesazh", tha Cox. "Përmbajtja e këtyre mesazheve përfshinte mesazhe që lidheshin me Tyler-in, duke iu referuar nevojës për të marrë një pushkë nga një vend ku do të lihej, duke e lënë pushkën në një shkurre, mesazhe që lidheshin me mbikëqyrjen vizuale të zonës ku ishte lënë pushka dhe një mesazh që i referohej lënies së pushkës së mbështjellë me një peshqir", shpjegoi Cox.
"Mesazhet gjithashtu i referohen plumbave të gdhendur dhe një dylbi, si dhe faktit që pushka ishte unike. "Mesazhet nga Tyler tregonin gjithashtu se ai kishte ndërruar rrobat", vuri në dukje Cox.
Cass Patel, drejtori i FBI-së, i cili është kritikuar për trajtimin e hetimit të vrasjes së Kirk, falënderoi Presidentin Trump gjatë fjalimit të tij.
"Kjo është ajo që ndodh kur i lini policët e mirë të bëjnë punën e tyre", tha ai, dhe përshkroi kronologjinë e asaj që pasoi vrasjen e Kirk.
10 shtator,
ora 12:23. Charlie Kirk qëllohet me armë
ora 12:39. Policia siguron vendin e krimit.
11 shtator,
ora 10:00. FBI publikon fotot e të dyshuarit. Menjëherë pas kësaj, FBI ofron një shpërblim prej 100,000 dollarësh.
ora 17:30. Patel dhe zëvendësi i tij mbërrijnë në vendin e krimit.
ora 20:00. Mbahet konferencë për shtyp.
ora 22:00. I dyshuari arrestohet.
Patel shtoi se ata kryen "rreth 7.000 marrje në pyetje".
Nga ana tjetër Guvernatori i Utahut theksoi gjithashtu se Tyler Robinson ka të ngjarë të ketë vepruar i vetëm.
Spencer Cox shtoi se ata nuk kanë prova për përfshirjen e personave të tjerë, por tha se hetimi është duke vazhduar.
Ai vazhdon duke thënë se i dyshuari u arrestua në Qarkun e Uashingtonit, në jug të Utahut, rreth tre deri në katër orë larg me makinë nga Orem, ku jetonte familja e tij.
Guvernatori i Utah-ut tha se Tyler Robinson nuk ishte student në Universitetin e Luginës së Utah-ut, ku u qëllua dhe u vra Charlie Kirk.
"Ai jetoi dhe kishte jetuar për një kohë të gjatë me familjen e tij në Qarkun e Uashingtonit", tha Spencer Cox.
