Donald Trump ka kritikuar ashpër Britaninë e Madhe përsa i takon refuzimit të saj për të ndihmuar në luftën përballë Iranit. Nëpërmjet një deklarate në Truth Social, Trump shkruan se tanimë Britania e Madhe dhe evropianët duhet ta marrin vetë naftën në Ngushticën e Hormuzit.
Sulmi i fundit i presidentit amerikan vjen ndërsa Keir Starmer dje përsëriti premtimin e tij për të mos e përfshirë Mbretërinë e Bashkuar në një pushtim të mundshëm tokësor të Iranit. Dërgesa e fundit e njohur e karburantit për avionë nga Lindja e Mesme thuhet se do të mbërrijë brenda 48 orëve, pasi furnizimet po shterojnë dhe po ngrihen alarme për mungesa.
"Të gjitha ato vende që nuk mund të marrin karburant për avionë për shkak të Ngushticës së Hormuzit, si Mbretëria e Bashkuar, e cila refuzoi të përfshihej në prerjen e kokës së Iranit, kam një sugjerim për ju. Numri 1, blini nga SHBA-ja, kemi me bollëk. Numri 2, mblidh pak guxim, shkoni në ngushticë dhe merreni. Do të duhet të fillosh të mësosh si të luftosh për veten tënde, SHBA-të nuk do të jenë më aty për të të ndihmuar, ashtu siç nuk ishe ti aty për ne”- ka shkruar Trump si mesazh ndaj Britanisë dhe pjesës tjetër të evropianëve. Versus.al
