Lideri konservator Friedrich Merz nuk mori vota të mjaftueshme parlamentare në raundin e parë të votimit për t'u zgjedhur kancelar, duke shkaktuar një tronditje të madhe të martën.
"Deputeti Friedrich Merz nuk arriti shumicën e kërkuar prej të paktën 316 votash", njoftoi Presidentja e Bundestagut, Julia Klöckner, pas votimit të parë në Bundestag, në një kthesë shumë të papritur të ngjarjeve.
Klöckner ndërpreu seancën e Bundestagut. Grupet parlamentare tani janë gati të mblidhen. Koha e votimit të dytë është e paqartë.
Merz-it i mungonin gjashtë vota për t’u zgjedhur nga shumica e 630 parlamentarëve të Gjermanisë. Koalicioni i tij, i cili përbëhet nga blloku i tij konservator dhe Partia Social Demokratike (SPD) e qendrës së majtë, do të mbante një nga shumicat më të pakta parlamentare që nga Lufta e Dytë Botërore, me vetëm 52 përqind të vendeve.
Ky refuzim është humbje e madhe për udhëheqësin konservator. Versus.al
