Dhjetra persona të stafit të kompanisë mëmë të TikTok, ByteDance në Singapor janë shtruar në spital për shkak të helmimit.
Zyrtarët e shëndetit dhe sigurisë ushqimore po hetojnë incidentit i cili la 60 persona me simptoma të gastroenteritit të martën (30 korrik) ku pesëdhjetë prej tyre u shtruan në spital.
Dhe kompania mëmë ByteDance është shprehur se po heton se cila është arsyeja e këtij incidentit.
Shtatëmbëdhjetë ambulanca u dërguan në ndërtesën në distriktin e biznesit të Singaporit për të trajtuar ata që ishin sëmurë, sipas raporteve të mediave lokale.
"Ne e marrim shëndetin dhe sigurinë e punonjësve tanë shumë seriozisht dhe kemi marrë hapa të menjëhershëm për të mbështetur të gjithë punonjësit e prekur, duke përfshirë punën me shërbimet e urgjencës për të ofruar kujdes," tha një zëdhënës i ByteDance për BBC.
"Ne jemi duke hetuar këtë çështje dhe po punojmë me autoritetet përkatëse për këtë."
"Operatorët e ushqimit duhet të luajnë rolin e tyre duke iu përmbajtur praktikave të sigurisë ushqimore", tha Agjencia e Ushqimit e Singaporit (SFA) në një deklaratë të përbashkët me Ministrinë e Shëndetësisë të qytetit-shtetit.
“SFA nuk do të hezitojë të ndërmarrë veprime detyruese kundër operatorëve të gabuar të ushqimit”, shtohet në deklaratë.
E themeluar në vitin 2012 nga sipërmarrës kinezë, ByteDance pati suksesin e parë të madh me aplikacionin e shkurtër video Douyin në Kinë. Një vit më vonë, ajo lançoi TikTok, një version ndërkombëtar i Douyin.
TikTok, i cili nuk është i disponueshëm në Kinë, ka më shumë se një miliard përdorues aktivë në mbarë botën.
Tani ai drejtohet nga një kompani me përgjegjësi të kufizuar me bazë në Singapor dhe Los Anxhelos, por në thelb është në pronësi të ByteDance.
