Një foto e publikuar nga Komiteti i Mbikëqyrjes i Dhomës së Përfaqësuesve ka ngjallur polemika në Uashington pas dyshimeve se Jeffrey Epstein i ka “shitur” një grua presidentit Donald Trump për 22,500 dollarë.
Fotografia është pjesë e një albumi të përvjetorit të 50-të të Epstein, ku shfaqet ai së bashku me Joel Pashcow, një anëtar i hershëm i resortit Mar-a-Lago të Trump, dhe një grua me fytyrë të redaktuar.
Ata mbajnë në dorë një “çek risie” me nënshkrimin “DJ Trump”.
Në përshkrimin e dorëshkruar poshtë fotos thuhet: “Jeffrey tregon talente të hershme me para + gra! Ia shet Donald Trump-it ‘plotësisht të amortizuar’ për 22,500 dollarë. Edhe pse unë e menaxhova marrëveshjen, nuk mora asnjë nga paratë për vajzën!” .
Gruaja në fjalë ka mohuar çdo lidhje me Epstein, Trump ose Pashcow, duke e cilësuar këtë si një “shaka shqetësuese”. Trump ka mohuar të ketë shkruar ose nënshkruar këtë mesazh, duke e quajtur atë një shpifje dhe ka paditur The Wall Street Journal për shpifje.
Ky zhvillim ka rihapur debatet mbi lidhjet e Trump me Epstein, të cilat ai i ka mohuar, duke thënë se miqësia e tij me Epstein ka përfunduar në vitin 2004. Epstein u arrestua në korrik 2019 dhe vdiq në burg një muaj më vonë, ndërsa po priste gjyqin për akuza për trafikim seksual të të miturve.
