Gjykata Kushtetuese e Kosovës ka publikuar vendimin lidhur me çështjen e dekretit të 6 marsit 2026, të presidentes Vjosa Osmani e cila shpërndau Kuvendin.
Dekreti i presidentes është shpallur i pavlefshëm dhe nuk prodhon asnjë efekt juridik. Gjykata ka vendosur se deputetët e Kuvendit kanë në dispozicion 34 ditë për të zhvilluar dhe përfunduar procedurën e zgjedhjes së Presidentit, dhe nëse kjo nuk realizohet brenda kësaj periudhe, Kuvendi shpërndahet automatikisht sipas Kushtetutës dhe do të organizohen zgjedhje të parakohshme.
Si rezultat i kësaj Kushtetuesja e ka shpallur të pranueshme kërkesën e kryeministrit Albin Kurti në emër të qeverisë dhe atë të Arbërie Nagavcit në emër të 30 deputetëve dhe ka konstatuar se dekreti i presidentes Vjosa Osmani për shpërndarje të Kuvendit nuk prodhon asnjë efekt juridik. Kuvendi i formuar më 11 shkurt nuk i ka pasur 60 ditë në dispozicion, brenda së cilës duhej përfunduar procedura për zgjedhjen e presidentit, afat ky i përcaktuar në nënparagrafin 3 të paragrafit 1 të nenit 82 të Kushtetutës. Versus.al
