Një numër i lartë i anëtarëve të Shërbimit Sekret, që merret me sigurinë e presidentëve dhe ish-presidentëve të SHBA-së, është pezulluar.
Vendimi ka ardhur pas një hetimi të brendshëm që po zhvillohet brenda këtij institucioni, pas atentatit ndaj kandidatit republikan për presidenti, Donald Trump ndodhur në 13 korrik në Butler, Pensilvani.
Siç shkruan NCBNews ende nuk është konfirmuar numri i saktë i zyrtarëve që janë pezulluar, por shkruan se numri numri mund të vazhdojë të rritet ndërsa hetimi i brendshëm për atentatin vazhdon.
Në një deklaratë, zëdhënësi i Shërbimit Sekret Anthony Guglielmi nuk do të konfirmonte se agjentët janë pezulluar, por tha se hetimi i brendshëm i agjencisë mund të rezultojë me "masa disiplinore".
“Shërbimi Sekret i SHBA është i përkushtuar të hetojë vendimet dhe veprimet e personelit në lidhje me ngjarjen në Butler, Pensilvani dhe tentativën për vrasjen e ish-presidentit Donald Trump," tha Guglielmi.
"Ne jemi duke shqyrtuar proceset, procedurat dhe faktorët që çuan ndaj këtij dështimi operacional. Çdo shkelje e identifikuar dhe e vërtetuar do të hetohet nga Zyra e Përgjegjësisë Profesionale për veprime të mundshme disiplinore. Duke qenë se kjo është një çështje personeli, ne nuk jemi në gjendje të komentojmë më tej”.
Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për tre nga të arrestuarit në kuadër të megaoperacionit të SPAK për goditjen e trafikut ndërkombëtar të drogës dhe pastrimit të parave.
Në seancën për vlerësimin e masave të sigurisë, gjykata vendosi të mbajë në burg Orest Sotën, Orgest Birçajn dhe Dritan Agën. Ndërkohë, për Gëzim Islamin u vendos lirimi për arsye shëndetësore kundrejt një garancie pasurore prej 100 mijë eurosh.
Katër të arrestuarit dolën para Gjykatës së Posaçme këtë të shtunë, ndërsa seanca nisi në orën 09:00. Procesi u ndërpre për rreth dy orë pas kërkesës së avokatëve mbrojtës, të cilët kërkuan kohë për t’u njohur me aktet hetimore të dosjes.
Pas rifillimit të gjykimit, trupa gjykuese shqyrtoi kërkesat e palëve dhe vendosi masat e sigurisë për secilin prej të dyshuarve.
Në sallëne gjyqit ishin të pranishëm kreu i SPAK, Altin Dumani, prokurorja Elida Kaçkini dhe gjyqtarja Flojera Davidhi.
Megaoperacioni i SPAK ka në fokus goditjen e grupeve të përfshira në trafikun ndërkombëtar të narkotikëve dhe skemat e dyshuara të pastrimit të parave përmes investimeve në sektorin e ndërtimit. Hetimet për këtë çështje vijojnë.Versus.al
