Drejtoresha e Shërbimit Sekret, Kimberly Cheatle, ka dhënë dorëheqjen, raporton Associated Press, pas një bujë dypartiake nëse agjencia e saj e kishte mbrojtur në mënyrë adekuate Donald Trumpin përpara atentatit kundër tij.
Cheatle dha dorëheqjen një ditë pasi bëri një paraqitje katastrofike para komitetit mbikëqyrës të Dhomës së Përfaqësuesve, ku ligjvënësit nga të dyja palët sinjalizuan zhgënjimin me paaftësinë e saj për t'iu përgjigjur shumë pyetjeve në lidhje me të shtënat që plagosi Trump, vrau një pjesëmarrës në tubimin e tij në Butler, Pensilvani dhe plagosi dy të tjerët.
Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për tre nga të arrestuarit në kuadër të megaoperacionit të SPAK për goditjen e trafikut ndërkombëtar të drogës dhe pastrimit të parave.
Në seancën për vlerësimin e masave të sigurisë, gjykata vendosi të mbajë në burg Orest Sotën, Orgest Birçajn dhe Dritan Agën. Ndërkohë, për Gëzim Islamin u vendos lirimi për arsye shëndetësore kundrejt një garancie pasurore prej 100 mijë eurosh.
Katër të arrestuarit dolën para Gjykatës së Posaçme këtë të shtunë, ndërsa seanca nisi në orën 09:00. Procesi u ndërpre për rreth dy orë pas kërkesës së avokatëve mbrojtës, të cilët kërkuan kohë për t’u njohur me aktet hetimore të dosjes.
Pas rifillimit të gjykimit, trupa gjykuese shqyrtoi kërkesat e palëve dhe vendosi masat e sigurisë për secilin prej të dyshuarve.
Në sallëne gjyqit ishin të pranishëm kreu i SPAK, Altin Dumani, prokurorja Elida Kaçkini dhe gjyqtarja Flojera Davidhi.
Megaoperacioni i SPAK ka në fokus goditjen e grupeve të përfshira në trafikun ndërkombëtar të narkotikëve dhe skemat e dyshuara të pastrimit të parave përmes investimeve në sektorin e ndërtimit. Hetimet për këtë çështje vijojnë.Versus.al
