Avionët luftarakë polakë kanë ndërhyrë duke bllokuar një aeroplan zbulimi rus mbi Detin Baltik, i cili po fluturonte afër hapësirës së saj ajrore, tha të enjten ushtria e vendit anëtar të NATO-s.
Vendet në krahun lindor të NATO-s kanë qenë në gatishmëri të lartë për ndërhyrje të mundshme në hapësirën ajrore që nga shtatori, kur tre avionë ushtarakë rusë shkelën hapësirën ajrore të Estonisë për 12 minuta vetëm disa ditë pasi më shumë se 20 dronë rusë kishin hyrë në hapësirën ajrore polake.
"Këtë mëngjes, mbi ujërat ndërkombëtare të Detit Baltik, avionët luftarakë polakë interceptuan, identifikuan vizualisht dhe shoqëruan nga zona e tyre e përgjegjësisë një avion zbulimi rus që fluturonte pranë kufijve të hapësirës ajrore polake"- thanë zyrtarë të ushtrisë së Polonisë.
Gjithashtu natën, u vunë re objekte që hynin në hapësirën ajrore polake nga drejtimi i Bjellorusisë.
"Pas analizave të hollësishme, u përcaktua se këto ishin me shumë mundësi balona kontrabandë, që lëviznin në përputhje me drejtimin dhe shpejtësinë e erës", tha ushtria. Shtoi se një pjesë e hapësirës ajrore mbi rajonin Podlaskie të Polonisë verilindore, i cili kufizohet me Bjellorusinë, ishte mbyllur përkohësisht për trafikun civil për të siguruar sigurinë. Versus.al
