Kryeministri britanik Keir Starmer ka zhvilluar së fundmi një vizitë në Kinë në përpjekje për të rikthyer atë që e quajti “epoka e artë” mes dy vendeve. Por për këtë vizitë ka patur edhe akuza nga ana e kundërshtarëve politikë të cilët kritikuan Starmer për afrimitet me Kinën.
Nga ana tjetër nuk ka vonuar edhe përgjigjia e Starmer i cili u shpreh: "Unë gjithmonë veproj në interesin kombëtar".
Ai tha se shfrytëzimi i mundësive që mund të sjellin lidhjet më të ngushta me Kinën do të ndihmojë në uljen e kostos së jetesës në Mbretërinë e Bashkuar ndërsa shtoi se ai dhe Presidenti Xi bënë "përparim të vërtetë" gjatë diskutimeve të tyre.
I pyetur se sa me forcë e ngriti rastin e Jimmy Lai dhe trajtimin e ujgurëve, Starmer thotë: "Ne i ngritëm këto çështje siç do të prisnit.
"Një pjesë e arsyetimit për angazhim është të sigurohemi që të mund të shfrytëzojmë të dy mundësitë që janë në dispozicion gjë që është ajo që kemi bërë, por edhe të kemi një diskutim të pjekur rreth çështjeve për të cilat nuk biem dakord."
I pyetur nëse Kina po e dëgjonte, Kryeministri shton: "Po, patëm një diskutim të respektueshëm për këtë."
Për kontekst, Kina është akuzuar për kryerjen e krimeve kundër njerëzimit kundër popullsisë ujgure dhe grupeve të tjera etnike kryesisht myslimane në rajonin veriperëndimor të Xinjiang. Versus.al
