Pas më shumë se tre vitesh nga vizita e Macron në Rusi në shkurt të 2022-it pasi Putin kishte nisur pushtimin e Ukrainës, mbrëmjen e së martës presidenti francez zhvilloi një bisedë telefonike me homologun e tij rus.
Biseda zgjati për rreth dy orë dhe në deklaratën zyrtare të pallatit Elysee thuhej se Macron i kishte bërë thirrje Putinit për armëpushim në Ukrainë dhe hapjen e negociatave për t’i dhënë fund luftës.
Putin i përsëriti qëndrimin e tij Macron se lufta në Ukrainë ishte një pasojë e drejtpërdrejtë e politikës së Perëndimit duke thënë se këto shtete kanë injoruar interesat e sigurisë së Rusisë.
“Çdo marrëveshje paqeje midis Moskës dhe Kievit duhet të përfshijë një karakter gjithëpërfshirës dhe afatgjatë dhe të bazohet në realitete të reja territorial”- mësohet të ketë thënë Putin.
Presidenti rus ka thënë më herët se Ukraina duhet të pranojë aneksimin e pjesëve të mëdha të territorit të saj nga Rusia si pjesë e çdo marrëveshjeje paqeje. Macron ka thënë se vetëm Ukraina duhet të vendosë nëse do të heqë dorë apo jo nga territori.
Gjatë telefonatës, zyra e Macron tha se "presidenti theksoi mbështetjen e palëkundur të Francës për sovranitetin dhe integritetin territorial të Ukrainës". Versus.al
