Sipas “Reuters”, jo gjithçka që ndodh në Ngushticën e Hormuzit po kontrollohet nga Irani.
Me gjurmuesit e vendndodhjes të fikur për të shmangur sulmet iraniane, Emiratet e Bashkuara Arabe dhe disa blerës kanë kaluar së fundmi disa cisterna të ngarkuara me naftë bruto përmes Ngushticës së Hormuzit.
Kjo lëvizje po bëhet si përpjekje për të nxjerrë naftën e mbetur nga Gjiri Persik në kushtet e konfliktit në Lindjen e Mesme, sipas burimeve të industrisë dhe të dhënave të transportit detar.
Megjithëse vëllimet janë shumë më të ulëta se eksportet normale të Emirateve para luftës SHBA-Izrael kundër Iranit, ato tregojnë rrezikun që prodhuesit dhe blerësit janë të gatshëm të marrin për të vazhduar tregtinë e naftës.
Ndërkohë, prodhues të tjerë të Gjirit si Iraku, Kuvajti dhe Katari ose kanë ndaluar eksportet, ose kanë ulur çmimet për të tërhequr blerës, ndërsa Arabia Saudite po përdor kryesisht rrugë alternative detare përmes Detit të Kuq./Versus.al
