Kryeministri hungarez, Viktor Orban ka reaguar ashpër sa i takon bashkimit të Partive Popullore Evropiane me liberalët dhe socialistët në Bruksel.
Ai tha se pavarësisht fitores së ekstremit të djathtë në zgjedhjet për Parlamentin Europian, drejtuesve në fakt nuk u intereson vullneti i popullit por vazhdojnë të mbështesin migrimin dhe dërgimin e armëve në luftën Ukrainë-Rusi.
“PPE, nga ana tjetër, në vend që të dëgjonte votuesit, më në fund u bashkua me socialistët dhe liberalët: sot bënë një marrëveshje dhe i ndanë mes vete postet kryesore të BE-së. Atyre nuk u intereson realiteti, nuk u intereson rezultatet e zgjedhjeve evropiane dhe nuk u intereson vullneti i popullit evropian.
Ne nuk duhet të jemi naivë: ata do të vazhdojnë të mbështesin migrimin dhe të dërgojnë edhe më shumë para dhe armë në luftën Rusi-Ukrainë. Ne nuk do të dorëzohemi para kësaj! Ne do të bashkojmë forcat e së djathtës evropiane dhe do të luftojmë kundër burokratëve pro emigracionit dhe luftës”, theksoi Orban. Versus.al
