Irani thotë se politika e tij për sulme reciproke "ka mbaruar", thotë në një deklaratë një zëdhënës i selisë së komandës ushtarake Khatam al-Anbiya të Teheranit. Politika e Teheranit tani do të jetë "sulm pas sulmi", thotë zëdhënësi Ebrahim Zolfaqari.
Teherani "nuk do të lejojë asnjë litër naftë" të kalojë nëpër Ngushticën e Hormuzit për të arritur në SHBA, Izrael dhe partnerët e tyre, shton Zolfaqari.
"Çdo anije ose cisternë e lidhur me to do të jetë një objektiv legjitim. Përgatituni që fuçia e naftës të jetë 200 dollarë sepse çmimi i naftës varet nga siguria rajonale të cilën e keni destabilizuar", shton zëdhënësi.
Ndërkohë, tre anije tregtare janë dëmtuar nga "predha të panjohura" në Ngushticën e Hormuzit. 23 anëtarë të ekuipazhit në bordin e një anijeje po shpëtohen. Më herët, ushtria amerikane tha se "eliminoi" 16 anije iraniane që vendosnin mina në zonë, pasi Presidenti Trump paralajmëroi Iranin të mos "vendoste asnjë minë" atje.
Irani vazhdon sulmet e tij në të gjithë rajonin, duke përfshirë Arabinë Saudite, Emiratet e Bashkuara Arabe dhe Kuvajtin
Katër persona u plagosën kur dy dronë ranë pranë aeroportit të Dubait - trafiku ajror nuk është prekur. Versus.al
