Sekretari i Shtetit i SHBA-së, Marco Rubio tha se bisedimet që filluan sot në Florida me delegacionin ukrainas synojnë "hapjen e rrugës" drejt një Ukraine sovrane.
"Kjo nuk ka të bëjë vetëm me përfundimin e luftës. Kjo ka të bëjë me hapjen e një rruge për t'i mundësuar Ukrainës të mbetet sovrane, e pavarur dhe e begatë", tha kreu i diplomacisë amerikane në fillim të takimit.
Kreu i delegacionit ukrainas, Rustem Umerov, tha nga ana e tij se dëshiron të diskutojë me amerikanët sigurinë e Ukrainës dhe rindërtimin e vendit. Në një mesazh në platformën X, Umerov shtoi se misioni i delegacionit të tij është "të garantojë interesat e Ukrainës"./Versus.al
Poll
